A Fundación Exponav xestiona unha biblioteca especializada e un arquivo documental que teñen como obxectivo a organización, custodia e conservación do patrimonio inventariado de todo o relativo á construción naval española e con isto poder dar a coñecer o noso pasado naval á sociedade, a industria e a comunidade científica.
Arquivo documental
As funcións principais dun arquivo son as seguintes: garantir a custodia, conservación, tratamento e difusión do patrimonio documental. No arquivo da Fundación Exponav traballamos en todas e cada unha delas para poder proporcionar un acceso ao extenso contido de documentación técnica especializada en Construción Naval que custodiamos e que reflicte a orixe e evolución histórica dos Estaleiros españois, así como o desenvolvemento das construcións efectuadas.
Integrado no Sistema de Arquivos de Galicia dende o ano 2020 (DOG núm. 37 do 24 de febreiro de 2020).
Os principais produtores dos fondos que temos no arquivo son:
- ASTANO [1941-1985]
- TECNOR [1964-2012]
- BAZÁN [1941-1985]
Os fondos que custodia o arquivo son:
- Planos de construción naval: dispomos de aproximadamente 37.000 planos dos que 2.200 están dispoñibles en formato dixital.
- Planos de detalle en microfichas correspondentes co fondo documental Astano, que amplían a colección dispoñible en formato físico: neste formato temos máis de 300.000 microfichas.
- Material fotográfico complementario dos fondos correspondentes con Astano, Tecnor e Bazán: este material, do que dispoñemos máis de 88.500 fotografías, está en formato analóxico e dixital, agás a Colección Bazán, que só posuímos en formato dixital.
Astano
Imaxe do arquivo onde se atopa o fondo documental de Astano
Tecnor
Imaxe do arquivo onde se atopa o fondo documental de Tecnor
Bazán
Imaxe do arquivo onde se atopa o fondo documental de Bazán
Astano y Tecnor
Colección fotográfica de Astano e Tecnor
E.N. Bazán
Colección fotográfica de E.N. Bazán
Xestor documental - AtoM
O arquivo da Fundación Exponav traballa con AtoM, un sistema de xestión documental de arquivos que proporciona o soporte axeitado para a adquisición, avaliación, catalogación, almacenamento, preservación, procura e acceso ao fondo documental.
AtoM (Access to Memory) é unha aplicación web gratuita que permite unha descrición arquivística deseñada de acordo cos estándares internacionais de descrición e coas regras de descrición multinivel.
Grazas a esta aplicación podemos anexar a cada rexistro unha imaxe dixital que enriquece a propia descrición. Polo momento temos dispoñibles 954 imaxes dixitalizadas que permiten ao usuario poder visualizar sempre a descrición do propio rexistro xunto coa imaxe do mesmo.
Os usuarios que desexaren beneficiarse dunha copia da imaxe do rexistro que están a visualizar, poderán solicitala de forma gratuíta enviando un correo electrónico a biblioteca@exponav.org
Atención ao público
O acceso ao Arquivo Documental será con cita previa no seguinte horario:
Podes poñerte en contacto connosco por email, escribindo un correo a biblioteca@exponav.org dirixido a Ainhoa Leal Díaz, ou chamarnos por teléfono no número: 981359682
Biblioteca Especializada
A biblioteca que xestiona a Fundación Exponav é unha biblioteca especializada en temática de construción naval.
A función principal da biblioteca é proporcionar un acceso ao material bibliográfico que custodiamos e que está relacionado non só coa construción naval senón tamén coas actividades marítimas e a historia da contorna.
Integrada na Rede de Bibliotecas de Galicia dende o ano 2021 (DOG núm.118 do 23 de xuño do 2021)
A Biblioteca dispón dunha colección bibliográfica moi ampla que abrangue desde Publicacións Periódicas nacionais e estranxeiras até monografías especializadas procedentes de doazóns e cesións realizadas por persoas físicas e xurídicas.
Os nosos fondos bibliográficos a día de hoxe están formados por un número aproximado de 4.331 material bibliográfico e 5.274 publicacións seriadas, datados entre 1751 e 2022.
Actualmente temos dúas publicacións periódicas en aberto, que son: Ingeniería Naval e Revista General de Marina.
A forma de acceso aos nosos fondos segue sendo a través do Sistema de Xestión e Catálogo colectivo Meiga, que utilizamos para a descrición e catalogación das monografías especializadas.
Como material accesible en formato electrónico, temos os seguintes títulos. Isto puido facerse grazas a un proxecto de dixitalización elaborado en 2014:
- Láminas do Marqués da Victoria
- The Modern System of Naval Architecture.
- Reglamento General de Quanto abraza el total armamento de los Navíos, Fragatas y Corbetas de la Real Armada.
- Seafaring in English: Claude bell Nautical English
A biblioteca da Fundación Exponav conseguiu estar incluída nun Directorio de bibliotecas españolas (mcu.es) Esta tarefa foi levada a cabo polo Consello de Cooperación Bibliotecaria a través da Comisión Técnica de Cooperación de Bibliotecas Especializadas, co fin de crear un mapa interactivo deste tipo de bibliotecas para lles dar visibilidade a través dun portal de bibliotecas especializadas do Ministerio de Cultura. Mapa de Bibliotecas Especializadas – CCB (ccbiblio.es)
Biblioteca
Estantería principal
Publicaciones periódicas en abierto
Revista de Ingeniería Naval e Revista General de Marina
Atención ao público
O acceso á Biblioteca Especializada será con cita previa no seguinte horario:
Podes poñerte en contacto connosco por email, escribindo un correo a biblioteca@exponav.org dirixido a Ainhoa Leal Díaz, ou chamarnos por teléfono no número: 981359682