Información para as persoas que desexen visitar en Ferrol o Museo da Construción Naval ou a sala de exposicións temporais Carlos III
Horarios
Horario de apertura ao público
Tempada alta
2 ao 5 de xaneiro
3 ao 9 de abril
15 xuño ao 17 de setembro
1 ao 30 de decembro
Tempada media
2 maio ao 14 de xuño
18 septembro ao 31 de outubro
Tempada baixa
9 xaneiro ao 2 de abril
11 ao 30 de abril
16 ao 30 de novembro
Lembra
A billeteira pecha media hora antes do peche do Museo. O despexo das salas iníciase 15 minutos antes do peche do Museo. O Museo da Construción Naval atópase no Edificio de Ferrarías, con acceso pola rúa Irmandiños, ubicado no mesmo complexo que o Museo Naval dentro do Arsenal Militar de Ferrol. Edificio Ferrarías, Cantón de Molíns s/n 15490 Ferrol (A Coruña).
Tarifas
Xeral 2€
Reducida 1€
- Maiores de 65 anos
- Familias numerosas
- Membros ICOM
Gratuita
- Menores de 18 anos
- Estudantes
- Profesores
- Discapacitados
- Desempregados
- Guías turísticos oficiais (no exercicio da súa actividade)
- Prensa (no exercicio da súa actividade)
Grupos
- Ata 40 persoas: 25 €
- De 40 a 80: 50 €
- De 81 a 100: 75 €
Gratuito para centros educativos, asociacións, etc.
Admítese o pagamento con tarxeta.
Reservas
Se queres reservar para un grupo sen visita guiada: Non é necesario avisar con antelación.
Sala Carlos III
Información para os visitantes
Se queres aproveitar ao máximo a túa visita ao Museo, recomendámosche ler a información para os visitantes e que teñas presentes os seguintes consellos:
Colexios e colectivos
Antes da visita
Recomendamos aos visitantes que veñades en grupo, respectedes as indicacións para facilitar o acceso ao Museo.
Os grupos con reserva teredes que dirixirvos á recepción, localizada na entrada do Museo. Esta recepción é tamén punto de encontro cos guías. Se tes algunha dúbida podes consultar co persoal de atención ao visitante do Museo no teléfono de información 981359682 ou enviando un correo electrónico a relacionespublicas@exponav.org, sempre dispoñible no noso horario de apertura ao público.
Durante a visita
Axúdanos a protexer o patrimonio
Non toques as obras, excepto as interactivas. Son fráxiles e pódense danar ao mínimo rozamento. Non está permitido entrar nas galerías con obxectos punxentes ou outros obxectos como sinalizadores, etc. Garda unha distancia prudencial con respecto ás obras de arte.
Menores acompañados
Se vén ao Museo con menores procure que estean vixiados e cumpran a normativa. Os grupos de menores deben ir acompañados sempre dun adulto.
Vultos
Non se permite a entrada ao Museo con vultos grandes como: paquetes, mochilas ou bolsas maiores de 35×35 cm.
Fotos e video
A toma de fotografías e/ou vídeos dentro das instalacións do Museo está permitida para uso particular. En caso do visitante desexar facer outro tipo de uso, precisaría solicitar un permiso vía correo electrónico a exponav@exponav.org
Animais
Non está permitida a entrada de animais, agás cans-guía.
Acceso con alimentos e fumar
Non está permitido fumar ou introducir alimentos no Museo.
Estas regras foron estabelecidas para asegurar a conservación das obras de arte e a seguridade dos visitantes.
Deberanse cumprir estritamente e sen excepción. A túa colaboración é valiosa: por favor, axuda aos responsábeis a cumprir co seu traballo.
Visita o noso Museo
Estamos a desexar que veñas a coñecer o noso Museo en Ferrol!
O Museo da Construción Naval atópase dentro do Arsenal de Ferrol. Tanto se estás de visita turística como se vives pola zona e non sabes que facer en Ferrol ven vernos e divírtite á vez que descobres curiosidades da nosa historia.